Gaitjan Lute (Harm Winter)

Gaitjan

Gaitjan was klein, zien uus niet groot
in kolk en sleutien zat zien brood
dreef door naor toe per skute
de foek’n skerp op trek e-steld
werk in natuur, woor tied niet telt
zo leem’m Gaitjan van Lute

Gaitjan was klein, zien uus niet groot
in kolk en sleutien zat zien brood
dreef door noar toe per skute
mer ‘s winters streup’n ie over ‘t land
veur ‘t vel maekt d’ond de mol’n van kaant
zo leem’n Gaitjan van Lute

Gaitjan wörd old, zien uus verrot
en ook zien wille get kepot
veur anker leg zien skute
de foek’n leng’n verdreugd op ‘t laand
un poke kromt zich teeg’n de waand
zo taent Gaitjan van Lute

Gaitjan van Lute is niet meer
zien broene stemme klinkt niet weer
weg ook zien ond en zien skute
de leste Zeediek-man ging dood
die leem’m van vis en molle-brood
Gaitjan van klomp’n maeker Lute.

(door Harm Winter, Kamperzeedijk)